bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Una trasmissione televisiva pro imparare s'italianu

Isetamus chi lu fatzant finas pro sas àteras limbas de sa Repùblica.

Su Ministèriu  de s'Internu, in collaboratzione cun Rai Educational, at ammaniadu  Cantieri d’Italia. L’italiano di base per costruire la cittadinanza, unu programa cofinantziadu  dae s’Unione Europea cun su Fundu Europeu pro s'integratzione  de tzitadinos de paisos tertzos. Sa trasmissione andat in unda, dae  su 3 de freàrgiu, sa giòvia  e sa chenàbura a sas 09.45 in RaiDue e, dae su 4 de freàrgiu, in Rai Scuola a sas 10.30, in rèplica cada 4 oras. 


 "Su servìtziu pùblicu  est  fundamentale in s'integratzione  de sos istràngios" at naradu Paolo Garimberti, presidente de sa Rai, agiunghende chi "Devimus ammentare chi Non è mai troppo tardi, unu clàssicu  de sas trasmissiones televisivas annos medas a como, est istadu  unu canale chi pro more suo  est colada  s'integratzione  de sos italianos  in s'Itàlia; chi at unificadu  unu Paisu partzidu, pro campaniles  e dialetos, pro limbas chi non fiant unificadas".

Nois semus cuntentos mannos chi fatzant custa trasmissione pro imparare s'italianu. Diamus èssere galu prus cuntentos, però, si su servìtziu televisivu pùblicu agiuerat finas sa didàtica de sas àteras limbas de sa Repùblica. E, in antis de totu, de su sardu.

 


#Sarvadore Serra

» in segus