bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Setores de su cherbeddu predetèrminant s'imparòngiu de una segunda limba

Cunforma a un'istùdiu de s'Universidade de Hong Kong fatu cun pitzinnos de 10 annos

Sende chi unu pitzinnu si pòngiat a istudiare o pràtichet un'àtera limba, b'at fatores chi predetèrminant s'imparòngiu de una limba. A pàrrere de s'istùdiu "Activity levels in the left hemisphere caudate–fusiform circuit predict how well a second language will be learned" de s'Universidade de Hong Kong (Li Hai Tan, Lin Chen, Virginia Yip, Alice H. D. Chan,Jing Yang, Jia-Hong Gao, Wai Ting Siok) in Tzina, publicadu in sa rivista digitale 'Proceedings of the National Academy of Sciences' (PNAS) su 24-1-2001, b'at duos tretos de s'emisfèriu de manca de su cherbeddu chi predetèrminant s'imparòngiu in sos pitzinnos.

Pro arribbare a custu cuncruimentu, sos sientziados ant analizadu pitzinnos de 10 annos, pedende·lis de reconnòschere paràulas inglesas in unu testu, in su mamentu chi lis fiant faghende una risonàntzia magnètica pro istabilire s'atividade de su cherbeddu.

Totu sos iscolanos teniant una caraterìstica comuna: fiant imparende una segunda limba dae cando teniant 6 annos.

A pustis de un'annu, sos matessi sientziados ant torradu a esaminare sas abilidades linguìsticas de sos pitzinnos e ant iscobertu unu resurtadu ispantosu: s'atividade in duos tretos de s'emisfèriu de manca de su cherbeddu, su nùcleu caudadu e su giru fusiforme, correlatzionaiant cun cantu bene sos pitzinnos identificaiant sas paràulas inglesas. E duncas sos espertos nd'ant tiradu s'idea chi s'atividade in custas partes de su cherbeddu predetèrminant cantu àbiles pro sas limbas potzant resessire a èssere sos pitzinnos.

#Diegu Corràine

» in segus