bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Noas cun su telefoneddu in sas limbas natzionales de Mauritània.

Est unu servìtziu de s'agentzia giornalìstica Al Akhbar

S'agentzia giornalìstica indipendente 'Al Akhbar' at postu in su mercadu unu servìtziu  de noas  cun sos sms in sas  tres limbas natzionales de Mauritània: pullar, soninke' e wolof.

Sos messàgios de testu, chi pertocant mescamente sas noas de su logu, sunt atzessìbiles  petzi a sos abbonados a Chinguitel e Mattel, duos  de sos tres operadores de telefonia mòbile ativos in s'Istadu.

Iscritos in caràteres latinos, sos sms noos in sas limbas pullar, soninke' e wolof cumpletant su  panorama informativu tràmite tzellulare, e s'agiunghent  a su servìtziu de noas  in àrabu e frantzesu.

Paisu cun  cumponentes ètnicas àrabu-bèrberas e nieddu-africanas, sa Mauritània tenet comente  limba ufitziale s'àrabu, cando chi su frantzesu est sa limba impitada in su mundu de sos afares. Custas initziativa de s'agentzia Al Akhbar est unu reconnoschimentu de s'importu chi tenent in sa sotziedade mauritana sas limbas traditzionales de su logu.


#Sarvadore Serra

» in segus