bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


SU GUVERNU BASCU GASTAT 11.282.350 EUROS PRO IMPARARE SU BASCU A SAS PESSONES PRUS MANNAS DE 16 ANNOS

A dolu mannu in Sardigna non tenimus peruna initziativa riservada a sos cursos de limba sarda pro adultos, sende chi sa lege 482 de su 1999 lu previdet.

Su Guvernu bascu  e Eudel (Assòtziu de sas Comunas bascas) ant firmadu su 29 de nadale coladu, un'acordu subra de su finantziamentu de sos euskaltegis munitzipales pro su cursu 2010/2011, cun unu finantziamentu de 11.282.350 èuros! Sos euskaltegis sunt sos cursos de limba basca pro adultos, cumintzende dae sos 16 annos. In pràtica, si in sos ùrtimos 30 annos, sa pràtica de su bascu est colada dae su 22% de sa gente a su 37,5%, est finas mèritu de su fatu chi, in cada bidda basca, b'at cursos de limba basca, sos euskaltegis. S'entidade chi s'òcupat de su finantziamentu, in pràtica, est s'Habe chi est un'ente de su guvernu bascu chi s'interessat de alfabetizatzione e cursos pro adultos. Custos sunt sos nùmeros pro sos cursos de  s'annu iscolàsticu 2008/2009 in sas diferentes provìntzias bascas.

Provìntzia Alunnos
Araba 6.689
Bizkaia 22.496
Gipuzkoa 10.281
Orotara 38.957

A dolu mannu in Sardigna non tenimus peruna initziativa riservada a sos cursos de limba sarda pro adultos, sende chi sa lege 482 de su 1999 lu previdet. Diat èssere una manera pro influentziare positivamente s'impreu de su sardu in sas famìlias e afortire sa limba in sos pitzinnos.

#Diegu Corràine

» in segus