bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Aberint una pàgina web pro rivitalizare sa limba eyak de Alaska

Est sa prima limba "estinta" de Alaska dae cando in su 2008 est morta s'ùrtima pessone chi lu faeddaiat.

S'ùrtima faeddadora nativa de eyak, Marie Smith Jones, est morta in su mese de ghennàrgiu de su 2008.

Ma cando unu tenet s'idea de sarvare una limba, resessit semper a fàghere carchi cosa, finas cando nche paret totu agabbadu. Nos lu mustrant finas sas polìticas linguìsticas "resessidas" pro su gallesu, su bascu, su catalanu, su galitzianu. Sena ismentigare mai su miràculu de s'ebràicu!

E tando, in su casu de s'eyak, gràtzias a su traballu de istùdiu e documentazione orale e iscrita fatu in sos ùrtimos 50 annos dae su linguista Michael Krauss (in sa fotografia), est nàschidu su "Progetu limba eyak: q'aayaa tl'hix (unu cumintzu nou)". Su progetu e su situ web tenet sa finalidade de documentare, preservare e distribuire materiales de istùdiu e imparòngiu de eyak, destinadu a pessones e istitutziones de Alaska.

In su situ sunt presentes letziones de eyak ammaniadas dae unu giòvanu de Frantza de 21 annos chi s'at imparadu s'eyak a sa sola, Guillaume Leduey. Una risposta a chie narat, finas in Sardigna, chi oramai non b'at prus nudda de ite fàghere!

“Amus mutidu custu progetu tl'hix q'aayaa, chi, in Eyak, cheret nàrrere 'cumintzare carchi cosa de nou'", at naradu  Laura Bliss Spaan, diretora de su progetu. "Est una manera prena de isperu e de idea pro cumintzare un'annu nou e un'època noa ".
Marie Smith Jones.jpg Marie Smith Jones
(14 de maju de su 1918 – 21 de ghennàrgiu de su 2008)
http://en.wikipedia.org/wiki/Marie_Smith_Jones


#Diegu Corràine


» in segus