bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Apple pro mantènnere bia sa limba tzerochi

Sa natzione tzerochi si ponet de acordu cun sa sotziedade californiana

Sa Apple est a disponimentu de 50 limbas de unu totale de belle 7  mìgia. Custu no at ispantadu sa  natzione tzerochi de Amèrica de su nord chi  at pedidu a sa sotziedade californiana de inclùdere sa limba sua in s’ùrtima versione de su sistema operativu suo. Apple at detzìdidu de los acuntentare e como totus sunt isetende chi sos giòvanos tzerochis potzant impreare su iPhone pro agiuare a mantènnere bia sa limba issoro.

Sos Tzerochis sunt traballende cun Apple pro isvilupare unu programa informàticu in limba tzerochi pro s'iPhone, s'iPod e luego pro s'iPad. Sos iscolanos ponent gia sa limba issoro in iscola in sos elaboradores, dae su 2003, e tenent una tastera de 85 caràteres. Su capu tzerochi Chad Smith, difatis, est cumbintu, in s'època numèrica, sas tecnologias informàticas podent èssere de agiudu mannu pro s'afortimentu de sa limba, mescamente in sos pitzinnos, chi sunt s'elementu pru dèbile in sa cadena de trasmissione de sa limba.

Cherokee-alphabet-560x433.gif

A cando sa matessi cosa pro sa limba sarda? Carchi annu a como aìamus chircadu cuntatos cun Apple Europa, pro isvilupare su sistema operativu MacOS in sardu. Pariant interessados, ma, in fines, non semus resesidos a cumbinare nudda. Chissai chi como non siat prus fàtzile. Diat èssere finas una manera pro Apple de intrare de prus in su mercadu sardu e de sas limbas natzionales emergentes.

#Diegu Corràine

» in segus