bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: ÀTERAS LIMBAS
cumpartzi custa noa cun sos amigos tuos invia mail stampa

ÀTERAS LIMBAS


Materiales didàticos in aligheresu.

Est dende resurtados bonos sa collaboratzione intre sa Comuna de S'Alighera e sa Generalitat de Catalugna.

In custos ùrtimos annos, a pustis de s'acordu de collaboratzione  intre sa Comuna de S'Alighera e sa Generalitat de Catalugna, sunt istados elaborados  e publicados materiales didàticos diferentes  pro s'insinnamentu  de s'aligheresu.   Custos materiales ant postu sa limba catalana in su matessi livellu  de sas àteras limbas chi si insinnant  in sas iscolas tzitadinas.

In antis de totu, tocat a faeddare  de sa publicatzione  de sos primos libros de testu: sunt  "Alguerès 1" e "Alguerès 2", pro sos iscolanos,  e sas ghias didàticas pro sos insinnantes, publicados dae sa sotziedade editoriale valorosa Eumo, de s'Universidade  de Vic (Catalugna). Custos libros los at elaborados unu grupu formadu  dae pedagogistas  siat de sa  Catalugna (chi ant aportadu s'esperièntzia issoro in su campu  de s'insinnamentu de sa limba) siat de s'Alighera (chi ant aportadu  sa connoschèntzia de sa realidade linguìstica e sotziulinguìstica de s'aligheresu).

In prus, b'est  sa publicatzione in discu cumpatu e in rete de su primu mètodu de autoaprendimentu interativu de sa limba catalana de s'Alighera (ùtile finas  pro chie chèrgiat  imparare  su catalanu de   s'Alighera in su registru standard). Un'istrumentu ùnicu in mesu de sas minorias linguìsticas  de Itàlia. Sena ismentigare su discu cumpatu "Cançons de l’Alguer", unu materiale pessadu comente agiudu pro sas letziones de aligheresu chi si faghent  in sas iscolas. 

Totu custos materiales sunt istados elaborados cunforme a su  "model de llengua estàndard d’àmbit restringit" chi  s’ Institut d’Estudis Catalans at aprovadu pro s'aligheresu in su 2002.

#Sarvadore Serra

» in segus