bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Iscotzesos chi si cherent indipendentes

Manifestatzione importante in Edimburgu

Iscotzesos medas ant isfiladu in Edimburgu pro s'indipendèntzia de Iscòtzia.  A pàrrere de sa politzia, a sa manifestatzione  b'ant leadu parte chimbemìgia pessones, ma sos organizadores narant chi fiant nessi deghemìgia. Nudda de paragonare a  sa "Diada" de s'ùndighi de cabudanni in Catalugna, ma sunt semper nùmeros importantes

Su primu ministru iscotzesu, Alex Salmond, at cummentadu chi "Sas detzisiones pro s'Iscòtzia las devent leare sos iscotzeosos in unu paisu indipendente". 

Sa deputada  Margo MacDonald at agiuntu chi "Si unu tertzu de sos iscotzesos creent in s'indipendèntzia e la cherent, in duos annos nche  podimus cumbìnchere finas sos àteros!"

Amus a bìdere, in custos meses chi benint, si sa cosa andat de veras. 


#Sarvadore Serra

» in segus