bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Sos guvernos britànnicu e iscotzesu sunt tratende pro su referendum de indipendèntzia

Forsis no istentant a si pònnere de acordu

Su primu ministru britànnicu, David Cameron, e su primu ministru iscotzesu s'indipendentista Alex Salmond, ant tentu in Londra una "negotziatzione bona"   subra de su  referendum de indipendèntzia  chi su guvernu de Edimburgu  cheret organizare pro su  2014. A su chi at naradu Salmond in un'addòviu cun sos giornalistas, in custa riunione s'est bida  sa "voluntade bona" de ambas duas partes  de arribbare  a un'acordu  "in custas chidas chi benint". 

Cameron e Salmond si sunt bidos in ocasione  de un'addòviu  intre su guvernu britànnicu e sas ghias polìticas  de sas natziones  chi faghent parte de su Rennu Unidu. B'aiat in programa argumentos medas, comente sa polìtica econòmica e sa polìtica de sos trasportos aèreos, e in mesu de custos bi fiat finas sa chistione indipendentista

Sas negotziatziones fitianas, però,  sunt sighende a las fàghere su ministru britànnicu Michael Moore e s'omòloga iscotzesa sua, sa vitze prima  ministra Nicola Sturgeon, chi a pustis de annos comente responsàbile  de sa sanidade, dae custu mese de cabudanni  at cumintzadu a s'ocupare  de afares costitutzionales e de su referendum.Su guvernu britànnicu at naradu chi est isperende de no istentare a arribbare a un'acordu. S'esecutivu iscotzesu at prevìdidu  de presentare in custa legisladura sa lege pro su referendum, e s'ideale diat èssere a cuncordare cun Londra  sas lìnias base de sa cunsulta.

#Sarvadore Serra

» in segus