bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Sos catalanos si cherent indipendentes

Prus de unu millione  e mesu de pessones ant manifestadu in Bartzellona.

Cada annu sos catalanos ammentant sa vitòria militare de Filipu 5 subra de sas tropas catalanas e sa derrota de Bartzellona s'ùndighi de cabudanni de su 1714. Sas cunseguèntzias de custa derrota fiant istadas terrorosas: cun su decretu de Nueva Planta, su sèighi de ghennàrgiu de su 1716, Filpu 5 aiat cunfiguradu unu regìmene polìticu chi escludiat sa rapresentàntzia de sa sotziedade catalana e afortiat sa preminèntzia de sas autoridades tziviles subra de sas tziviles.

Ocannu sa "Diada Nacional de Catalunya",  gasi si narat sa manifestatzione, at tentu unu sabore de rebìnchida: prus de unu millione  e mesu de pessones, in sas carreras de Bartzellona, ant manifestadu pro nàrrere bastat a s'Istadu ispagnolu: bastat a un'Istadu chi incassat sas tassas de sos catalanos sena lis torrare su chi lis tocat; bastat a un'Istadu chi non rispetat sa limba catalana, atachende su sistema de immersione linguìstica. Sa solutzione, tando, est a fàghere un'Istadu nou: Catalugna, Istadu nou de Europa.


#Sarvadore Serra

» in segus