bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Miguel Bosè pro s'indipendèntzia de Catalugna

S'artista ìtalu-ispagnolu narat chi non si podet custrìnchere unu pòpulu a èssere su chi no est est.

"So cumbintu chi apo a bìdere cambiende sa geografia de sa penìsula,  a custu semus destinados". Sa frase est de su cantante italu-ispagnolu  Miguel Bosé, chi l'at impitada comente una premissa pro cròmpere a una cunclusione: "Non si podet fortzare unu pòpulu  a èssere una cosa chi non cheret èssere, gasi comente càpitat cun sas pessones".

Custa est istada sa risposta chi at dadu, in su programa Divendres de TV3 ', a chi l'at pregontadu iite nde li paret de su moimentu indipendentista chi b'est in Catalugna, e chi est ammaniende una manifestatzione manna pro s'ùndighi de cabudanni "Sa Catalugna est unu paisu cun una personalidade forte, e at a arribbare a ue cheret arribbare, mancari su caminu siat longu."

#Sarvadore Serra

» in segus