bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


S'Assòtziu Europeu pro s'Indipendèntzia est andende a dae in antis

Ma mancant sos sardos

Sa European Partnership for Independence (in sardu, Assòtziu Europeu pro s'Indipendèntzia) est  un'assòtziu  frutu de s'unione  de catalanos, bascos, iscotzesos e flamencos chi cherent s'indipendèntzia de su logu issoro.  In custas dies s'assòtziu at presentadu su programa suo  in su Parlamentu Europeu.

Est andende a dae in antis, duncas, unu progetu comunu pro mustrare a sa comunidade internatzionale  sa voluntade de custas bator natziones de si fàghere indipendentes. Custu assòtziu lu ghiat sa flamenca Fierda Brepoels, cun s'agiudu de s'eurodeputadu iscotzesu   Ian Hudghton (SNP), de su bascu  Izascun Bilbao (PNV) e de su catalanu Raül Romeva (ICV). 

A dolu mannu no nde faghent parte nen sos sardos, nen sas àteras natziones sena Istadu. Làstima, ca fiat istada un'ocasione pro mustrare un'idea de s'Europa prus democràtica e prus aberta a sas diferèntzias. S'impressione est chi si chèrgiat dare importàntzia petzi a sas natziones sena Istadu prus ricas de su Continente,  lassende a un'ala sas àteras.

 

#Sarvadore Serra

» in segus