bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Su 53,6 pro chentu de sos catalanos cherent s'indipendèntzia

Sunt 5,5 puntos in prus de su 2010

S'indipendentismu catalanu est andende a sa prus arta.  Gasi resurtat dae un'istùdiu demoscòpicu de s'istitutu Gesop, publicadu custa chenàbura in El Periódico de Catalunya , chi narat chi su 53,6% de sos catalanos diant votare "EJA" a s'indipendèntzia si oe  si diat fàghere unu referendum. Sunt  5,5 puntos in prus de su 2010. In prus, s'istùdiu abbassat de tres puntos, a cunfrontu de su  2010,  su "NONO", chi colat dae su 35,3% a su 32%. Una proportzione chi nche colat  su  40% , pagu prus o mancu, de sos iscotzesos chi, cunforma a sos ùrtimos rilevamentos, diant èssere pro s'indipendèntzia de sa natzione issoro.
Custa pertzentuale    est a curtzu a su 55% de "EJA" chi Bruxelles at chertu  pro reconnòschere s'indipendèntzia de su Montenegro.  
Resurtat finas chi sa majoria de sos votantes de CiU, ERC e ICV-EUiA sunt indipendentistas. Ma s'iscoberit finas chi su  30% de sos chi votant PSC e su 14% de sos chi votant PP ammitent de èssere in favore de s'indipendèntzia. In fines, su  28,7% de sos intervistados  cunsìderant s'autoguvernu e s'identidade natzionale su de tres de sos problemas prus graves  de Catalugna,  a pustis de  sa disocupatzione e de sa crisi.

#Sarvadore Serra

» in segus