bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Semus friulanos de limba friulana, chi sunt cumbintos de fàghere parte de sa natzione friulana

Ammentu de pre Antoni Beline

In su  situ www.lapatriedalfriul.org  b’est sa setzione “Cui che o sin”, est a nàrrere “Chie semus”. B’at una frase de  pre Antoni Beline chi,  in su primu editoriale suo in su mese de nadale de su 1978 in La Patrie dal Friûl, iscriiat: «Semus friulanos de limba friulana, chi sunt cumbintos de fàghere parte de sa natzione friulana. Chi est comente a nàrrere chi semus unu pòpulu, un’etnia, una natzione chi, a pustis de meres medas chi ant iscurrigiadu in custos giassos durante sèculos, como, dae chentu annos a custa ala, semus atrapados in sa pràighe de s’ Istadu italianu». Paràulas sintzillas, comente cheret èssere sa rivista chi dae su 1946 essit totu in friulanu, impitende, dae unos cantos annos, sa limba modellu prevìdida dae sa lege regionale de su Friuli-Venezia Giulia n.15 de su  1996.
Fundada in su  segundu  pustis gherra dae pre Josef Marchet (don Giuseppe Marchetti) e Felix Marchi (Felice Marchi), at contadu e contat cun ogros friulanistas sas  tzucadas de sos Friulanos in Patrie (su Friuli, est craru), ma finas de cussos cumpatriotas ispartos in su mundu a pustis de sa diàspora de su disterru. Como est direta dae Andrea Valcic, chi dae su 2009 at leadu su testimòngiu dae un’ àteru “Dree”, Andrea Venier, intradu in sa diretzione de su mensile istòricu in friulanu a pustis chi pre Antoni Beline si nch’est mortu su  23 de abrile de su 2007.

[de Christian Romanini, Eja n. 7, 2011]

#Sarvadore Serra

» in segus