bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Iscòtzia, indipendèntzia o "devolutzione màssima"

L'ant a detzìdere cun unu referendum

Alex Salmond,primu ministru de Iscòtzia  e ghia polìtica de su  Scottish National Party (Partidu Natzionale Iscotzesu), est ammaniende sa chi forsis at a èssere sa votatzione britànnica prus importante a pustis de sas eletziones generales de su Rennu Unidu in su 1945. In custa votatzione   est probàbile chi b'at a àere duas pregontas: sa prima at a èssere unu  referendum subra de s'indipendèntzia cumpleta pro s'Iscòtzia; sa de duas at a èssere unu  referendum pro un'optzione prus pagu radicale  chi si narat  “devolution (devo) max.”, est a nàrrere "devolutzione màssima".

Sa devolutzione màssima est unu sistema in ue s'Iscòtzia diat incassare totu sas tassas suas e diat guvernare s'istadu sotziale suo,  cando chi  petzi sa defensa  e sas detzisiones de polìtica èstera diant abbarrare in  Westminster. Custu diat fàghere pessare a sa prima chi su Rennu Unidu est moende chirru  a unu sistema federale forte, simigiante pro cosas medas  a sa manera chi  sos cunservadores in Amèrica  bident sa gherra intre sos deretos de sos Istados  e su Guvernu federale. Ma, mirade chi no est gasi; custa est una batalla pro s'indipendèntzia. Su Partidu Natzionale Iscotzesu tenet unu manifestu programàticu in ue narat craru e tundu chi cheret s'indipendèntzoa pro s'Iscòtzia. Cada solutzione diferente dae s'indipendèntzia diat cuntentare su partidu petzi pro pagu tempus.

Salmond  e su  SNP sunt faghende totu su chi podent pro otènnere votos medas. Ischint chi non tenent unu suportu majoritàriu pro un'Iscòtzia indipendente, e, duncas, ant pessadu a sa manera de aumentare sas possibilidade  de resessida. Su referendum est probàbile chi no l'ant a fàghere in antis de su 2015,unu pagu tempus in antis de sas eletziones generales in su Rennu Unidu. Sos de su SNP ant fatu finas ischire chi ant a abbassare s'edade pro votare dae degheoto a sèighi annos, ca ischint chi,  faghende gasi, diant agiùnghere àteros  125,000 votantes potentziales, e sos votantes prus giòvanos  est prus probàbile chi siant natzionalistas pro- indipendèntzia



#Sarvadore Serra

» in segus