bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Alfons Benedikter si nch'est mortu

Benedikter, sudtirolesu, at gherradu pro sas àteras minorias de su mundu,  in mesu de custas  sos pòpulos indìgenos de sa Sibèria.

Petzi como, cun prus de unu mese de ritardu, amus ischidu chi Alfons Benedikter si nch'est mortu  su 3 de santandria. Benedikter, nàschidu su 14 de martzu de su 1919 in Pettneu am Arlberg (oe Tirolu austriàcu), est istadu  in antis de totu una figura tzentrale in sa cuntierra polìtica peleosa dae ue est nàschida  s'autonomia sudtirolesa. Cumponente de unos cantos organismos amministrativos  sudtitolesos, militante de sa SVP (Südtiroler Volkspartei) e pustis de s'Union für Südtirol, s'òmine polìticu at dedicadu  sa vida sua  a su fràigu, a su cunsolidamentu e  a su perfetzionamentu de s'autonomia sudtirolesa. In su matessi tempus, Benedikter at gherradu pro sas àteras minorias de su mundu,  in mesu de custas  sos pòpulos indìgenos de sa Sibèria.
Si oe in su Südtirol b'at intziativas acadèmicas de valore  in contu de minorias, si oe s'autonomia  de custa regione est unu modellu  chi atraet cada annu istudiosos e òmines polìticos de cada continente, lu devimus mescamente  a custu visionàriu menti-fine.
Chie est iscriende at tentu sa sorte  e s'onore de connòschere a  Alfons Benedikter e sa famìlia sua. In particulare unu de sos fìgios, Thomas, cun su cale at collaboradu  in ocasiones medas in sos annos noranta. Autore de istùdios e libros medas a propòsitu de sas minorias ede su mundu, Thomas sighit in manera  esemplare su traballu de su babbu.

#Alessandro Michelucci

» in segus