bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Su Dalai-lama at annuntziadu chi at a lassare de ghiare su guvernu tibetanu in esìliu intro de ses meses

Tenzin Gyatso bolet favorire unu cambiamentu democràticu dae su mese de martzu chi benit, pustis tzelebradas sas eletziones a su parlamentu tibetanu in esìliu.

Su capu atuale de su guvernu tibetanu in esìliu e capu ispirituale de su  buddismu tibetanu, Tenzin Gyatso, su de 14 Dalai-lamas, at annuntziadu in un'intervista a sa cadena de televisione indiana CNN-IBN chi at a lassare s'incàrrigu suo intro de ses meses, a manera chi "custu mecanismu democràticu funtzionet bene". Gyatso, de 75 annos, aiat giai annuntziadu in  àteras ocasiones chi teniat s'idea de si pensionare.

Durante s'intervista at finas naradu chi, praticamente, est giai pensionadu, ca sos pessos prus importantes de su guvernu tibetanu in esìliu los leat s'iscuadra sua. At agiuntu chi chert torrare a èssere unu mòngiu che a sos àteros.

Ma at naradu chi totu custu at a capitare a pustis de sas eletziones de martzu, in ue si nche sunt marcados prus de  80.000 de totu su mundu, dae s'Indiana in Austràlia, a su Buthan, a sos IUA e a sa majoria de sos istados europeos.

Gyatso in totu sa vida sua at gherradu pro un'autonomia polìtica reale de su Tibet  dae sa Tzina, sena esclùdere s'indipendèntzia. Totu afirmatziones chi ant semper fatu inchietare su guvernu tzinesu, chi cunsiderat su Tibet comente parte integrada de su territòriu natzionale tzinesu dae prus de oto sèculos.

In su 1995, Pechinu at chertu contrastare s'autoridade de Gyatso nominende unu Panchen Lama -su segunda autoridade prus importante de sa gerarchia tibetana-ufitzialista. Est pro custu chi sa gerarchia tibetana est timende chi su guvernu tzinesu chèrgiat fàghere sa matessi cosa.

#Diegu Corràine


» in segus