Su Prèmiu Nobel pro s'Economia pro s'annu 2004, Finn Erling Kydland, at afirmadu chi ‘non diat fàghere ispantu’ chi, in una Catalugna indipendente, ‘a su guvernu catalanu diat bènnere mègius a dimustrare sa credibilidade sua chi no a su guvernu ispagnolu in su cumplessu ’.
At naradu custu cun riferimentu a sa cunfiàntzia finantziària chi un'Istadu resessit a dare a sos investidores in tempos de crisi econòmica.
In su cuadru de una cunferèntzia in su Parlamentu de Catalugna, s’economista Kydland at fatu unos cantos parallelismos intre sa Catalugna e s'Iscòtzia e at agiuntu chi, si sa natzione catalana esseret indipendente, ‘si diat pòdere creare su matessi clima de cunfiàntzia chi at permìtidu a s'Irlanda de crèschere in manera ispetaculare in su giru de 20 annos’.
Kydland est professore de economia in s'Universidade de Califòrnia (Santa Bàrbara) e consulente econòmicu in su guvernu iscotzesu de Alex Salmond.
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.