bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Prus de su mesu de sos catalanos cherent un'Istadu issoro

Su 31% est in favore de un'Istadu federale, cando chi su 25% punnat a s'indipendèntzia

 

Su 56% de sos catalanos cherent sa creatzione de un'Istadu issoro.

Gasi narat unu sondàgiu de su Centre d'Estudis d'Opiniò (Tzentru de Istùdios de Opinione), publicadu in custas dies, dae ue resurtat  una crèschida de sa voluntade de s'ischirriare dae s'Ispagna, a cunfrontu de su 34% de pessones chi cherent chi sa Catalugna abbarret una comunidade autònoma.

In su cuestionàriu de su  CEO essit a campu chi su  31% cheret chi sa  Catalugna siat un'Istadu federale, cando chi su  25% punnat a s'indipendèntzia.  

Su sondàgiu  mustrat finas  una majoria manna de tzitadinos, su 66 %, chi creent chi non bastet su livellu de autonomia atuale, a cunfrontu de su  26% chi lu cunsìderant adeguadu e petzi su  3% chi pessant chi b'at tropu autonomia.

Custos datos sunt in sintonia  cun sos indicadores  de su sentimentu de apartenèntzia, cun unu  25% de sos intervistados   chi si intendent  prus catalanos chi no ispagnolos, e unu  20%  chi si intendent catalanos ebbia.


#sarvadore serra

» in segus