bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


A nche bogare sa bandera ispagnola dae sos fràigos pùblicos?

Gasi narat una proposta de lege de Solidaritat Catalana per la Independència

CiU (Convergència i Uniò)  at fatu bàlere sa majoria sua in su Parlamentu catalanu pro ammìtere una proposta de lege  de Solidaritat Catalana per la Independència (SI) chi cheret a nche bogare sa bandera ispagnola dae sos fràigos pùblicos.

In sa prima riunione a pustis de sas eletziones munitzipales de custa domìniga colada, sos bator rapresentantes  de CiU ant impostu sa majoria issoro   a sos duos de su  PSC  (su partitu sotzialista catalanu) e a su de su  PPC (su partidu populare catalanu), chi imbetzes fiant contràrios.

Fontes parlamentares ant craridu chi in una riunione anteriore aiant detzisu de pedire a sos servìtzios giurìdicos de sa càmera una relata pro crarire   si sa proposta teniat sas cunditziones formales de ammissibilidade.

Custa relata, cunforma a sas fontes mentovadas, narat chi non b'at impedimentos formales, sena nàrrere nudda de su cuntenutu ca no est cumpetèntzia sua.

Fontes de CiU ant giustificadu  custa detzisione narende chi bi sunt sos  "recuisitos formales",  macari custu no ìmplichet chi sa federatzione natzionalista diat su votu suo in favore in fase de mèritu.

Sa normativa vigente istabilit  chi sa bandera ispagnola devet èssere presente in sos fràigos pùblicos, ma sa proposta de lege  de Solidaritat cussìgiat chi s'insinna  non siat visìbile a su pùblicu nè in s'esternu  nè in s'internu de custos fràigos.

 

#Sarvadore Serra

» in segus