bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


C.i.U. a totu podere in Catalugna

Sa federatzione natzionalista pro sa prima bia est sa fortza prus votada in sas eletziones locales

Pro sa prima bia in s'istòria, CiU est sa fortza prus  votada in sas eletziones munitzipales. A parte sa tzitade de Bartzellona, sos sotzialistas ant pèrdidu pratzas importantes a beru  e est in perìgulu s'egemonia  issoro  in sa Diputació de Bartzellona. ERC faghet una ruta mala, su PP creschet e PxC e sas CUP intrant in amministratziones medas. Est sa sìntesi de sa die eletorale de custa domìniga colada , chi at lassadu unu binchidore e duos grandu iscunfitos: PSC e ERC, chi fiant andados male a beru in sas autonòmicas e chi como ant a tzentrare totu sas energias in sos cungressos, pro agatare leader noos e istategias noas.  Àngel Ros, s'ùnicu sotzialista sìndigu in una tzitade catalana, si presentat comente òmine forte de su partidu, paris cun su candiadu in  Tarragona, Josep Fèlix Ballesteros, chi, macari apat leadu prus votos de sos àteros, nche podet abbarrare in foras de guvernu munitzipale pro more de unu patu intre  PP e CiU.

CiU at tentu  50.000 sufràgios in prus a cunfrontu de  2007 e at otentu unu totale de 778.042 votos (su 27,12%) e sa tzifra primadu  de 3.860 cussigeris, cando chi su  PSC at pèrdidu  200.000 votos e est faladu a 721.443 sufràgios (su 25,14%) e  2.117 cussigeris.Si cunfirmat duncas s'undada de sa federatzione,  chi at cumintzadu su 28 de santandria e chi s'est cunsolidada in custas ùrtimas eletziones.


#Sarvadore Serra

» in segus