bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Eletziones in Ulster

Cunfirmados in su podere su Partidu Unionista Democràticu e su Sinn Féin

Sos votantes  nordirlandesos ant cunfirmadu in su podere  su Partidu Unionista Democràticu (Democratic Unionist Party, DUP) e su  Sinn Féin in  sas eletziones  de s'Assemblea de Irlanda de su Nord. Ambos duos partidos ant incrementadu  su nùmeru de sos deputados issoro in Stormont, cando chi  sa distributzione  de su votu intre sas comunidades  est abbarrada  istàbile. Peter Robinson (DUP) at a èssere torra su primu ministru, cando chi Martin McGuinness (SF) at a mantènnere  sa càrrica de vitze primu ministru.

Su  DUP at otentu  38 iscannos subra de unu totale  de 108, duos in prus de su  2007. Finas su Sinn Féin at incrementadu sa rapresentàntzia sua  in Stormont cun unu deputadu nou, e como nd'at a tènnere 29. Su Partidu Unionista de s'Ulster (Ulster Unionist Party, UUP) nd'at otentu  16 (duos in mancu de como) e su Partidu Sotzialdemocràticu e Laburista (Social Democratic and Labour Party, SDLP) nd'at otentu 14 (finas custu duos in mancu. Su Partidu de s'Alliàntzia, chi non b'intrat nen cun sos unionistas nen cun sos natzionalistas irlandesos, at agiuntu  un'àteru iscannu  a sos sete chi teniat. Sa Boghe  Unionista Traditzionale (Traditional Unionist Voice, TUV, essida dae su  DUP ca fiat contrària a s'Acordu de Saint Andrews) at otentu unu deputadu, gasi etotu comente sos Birdes. Est essidu finas  unu deputatdu indipendente unionista.

Una distributzione de su votu istàbile meda

Sa suma de sos votos  de prima preferèntzia de sos natzionalistas  irlandesos (SF e SDLP) dat sa pertzentuale  de su 41,1%, belle sa matessi de su 2007. De àteru ghetu, sos partidos unionistas  sighint a otènnere  a fùrriu de su  47% de sos votos, cando chi  s'Alliàntzia  e sos Birdes (ambos duos sena identificatziones comunitàrias) aumentant unu pagu  finas a arribbare belle a su  9%.

Totu custu cheret nàrrere chi sa  fotografia de su votu nordirlandesu  como est istàbile meda. Sos unionistas mantenent unu màrgine astrintu in dae in antis  de sos natzionalistas irlandesos.

 

#Sarvadore Serra

» in segus