bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Sos angolanos devent pònnere in contu sas limbas natzionales issoro

Lu narat su vitzeministru de sa cultura Cornélio Caley

Su vitzeministru  de sa cultura de Angola, Cornélio Caley, at fatu un'apellu a totu sos angolanos  pro chi pòngiant prus in contu sas limbas natzionales issoro, chi sunt sa base  de su connoschimentu de una comunidade e su fatore printzipale chi perpètuat  s'istòria de unu pòpulu.

 
Cornélio Caley  at fatu custu apellu  durante s'abertura  de sa prima  cunferèntzia plenària subra de sa  "Armonizatzione  e agiudu  de sas  limbas natzionales",  amaniada dae su  Ministèriu de sa Cultura.

 
A su chi narat su vitzeministru, b'at galu pagu interessu  de sos giòvanos istudentes   pro imparare a faeddare  una limba natzionale.


"Sos giòvanos istudentes  mustrant prus interessu in s'imparòngiu de una limba angena, cando chi diat dèvere èssere su contràriu",  at naradu.

 
"Semus  essidos dae pagu tempus  dae unu sistema coloniale in ue sas limbas maternas nostras  sunt istadas, in casos medas, dispretziadas in manera sistemàtica e impoveridas dae su puntu de vista linguìsticu",  at agiuntu Cornélio Caley.

Ammentamus chi in Angola si faeddant unas baranta limbas diferentes. In prus de su portughesu, limba ufitziale, su prus de sa populatzione faeddat limbas  bantù,  cando chi unos milli abitantes  sunt faeddadores  de su grupu khoi-san.  

 





#Sarvadore Serra

» in segus