bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Un'acordu pro afortire sas limbas nativas de su Chiapas

L'at promòvidu s'Istitutu Natzionale de sas Limbas Indìgenas de su Mèssicu

Cun s'idea de afortire s'impreu  de sas limbas nativas  de su  Chiapas (Mèssicu), s' Instituto Nacional de Lenguas Indígenas (INALI) at firmadu un'acordu de collaboratzione  cun su Sistema DIF-Chiapas e su Sistema Chiapaneco de Radio, Televisión y Cinematografía.  

Custu acordu at a permìtere atziones congiuntas  pro s'isvilupu orale e iscritu de sas limbas minoritàrias, (Mam, mochó - qato´k- , kaqchikel, Chuj, Q´anjob´al, Akateko, Jakalteco e lacandón).  

Previdet, in prus, istrategias de comunicatzione pro promòvere sa formatzione de risorsas umanas relatzionadas  cun sos diferentes setores  radiofònicos e televisivos.  

Gasi etotu ant a cuidare sa produtzione, tradutzione e trasmissione de sa radionovela 'Corazón de mujer' in sas limbas  tsotsil e tseltal; in programa b'at finas progetos noos  pro difùndere in mesu de sa populatzione s'apretziamentu pro sas culturas e limbas maternas.  

S'acordu l'ant firmadu in sa Domo de Guvernu, in presèntzia de Isabel Aguilera de Sabines, presidenta de su Sistema para el Desarrollo Integral de la Familia del Estado de su Chiapas, chi at fatu a testimòngiu de onore.  

Bi fiant  Débora Iturbe Vargas, diretora generale de su Sistema Chiapaneco de Radio, Televisión y Cinematografía, Javier López Sánchez, diretore generale de su INALI, e Elizabeth Astorga Macías, diretora generale  de su DIF-Chiapas.  


#Sarvadore Serra

» in segus