bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Su 45% de sos catalanos sunt in favore de s'indipendèntzia.

Gasi resurtat dae un'istùdiu de ESADE

Su  45% de sos catalanos diant votare chi eja  a sa pregonta “a diat chèrrere bostè un'Istadu indipendente  in intro de s' Unione Europea?”.  Est custu su resurtadu de un'inchiesta demoscòpica   publicada dae ESADE (Escuela Superior de Administraciòn y Direciòn de Empresas)  e dae sa  Fundació Carulla. In prus, custu istùdiu mustrat chi  s'optzione soveranista  s'est triplicada  in sos ùrtmos deghe annos,ca, atualmente, unu 21% de sa populatzione si decrarat in favore.

Su sondàgiu,  chi at interessadu  1.200 pessones intre maju e làmpadas de su  2009, mustrat chi  su 50% de sos intervistados  s'agatant bene in intro de un'Istadu autonòmicu, e chi s'indipendentismu  nch'at giai coladu s'optzione  federalista chi si sìtuat in su  20%. L'at atzertadu  unu grupu de istudiosos ghiados dae su diretore acadèmicu  de sa càtedra Lideratges i Governació de ESADE, Ángel Castiñeira, e dae su catedràticu  emèritu de sa  Universitat de Deusto Javier Elzo, cun su suportu  de sa Fundació Carulla. Elzo at avèrtidu chi , dae tando, sa  Catalugna  at vìvidu  fatos che a sa  sentèntzia de su  Tribunale Costitutzionale subra de s'istatutu, s'editoriale congiuntu de sos giornales catalanos  e sa manifestatzione manna de su 10 de trìulas de su  2010, chi ant potentziadu custu sentimentu.

Àteros datos rivelant chi, a livellu geogràficu, su bonu de sos intervistados  chi si intendent  "petzi catalanos" istant in localidades de prus pagu  de 10.000 abitantes, cando chi sos chi si identìficant  comente "petzi ispagnolos" istant in tzitades mannas.

Sos chi votant  PSC e PP, pro su  60%, e  Ciutadans, pro su 87%, pessant chi  s'autonomia atuale est adeguada. In càmbiu, su 79,5% de sos eletores  de ERC, su 57,2% de CIU e su 54,2% de ICV pessant chi su sistema autonòmicu est "insufitziente".

In fines, s'anàlisi mustra chi  sa valutatzione de sos partidos polìticos est "bassa meda". Sa proa de custu  est chi in s'annu 2000 sa mèdia  de valutatzione de sa polìtica  catalana fiat de  6,46 subra de 10, cando chi como sa mèdia est de  4,95.


#Sarvadore Serra

» in segus