bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Aumentant sos raportos intre S'Alighera e sa Catalugna

Addòviu, in Bartzellona, de su sìndigu aligheresu Marcu Tedde cun su rapresentante de su guvernu catalanu Germà Gordò.

Su sìndigu de S'Alighera  Marcu Tedde at addoviadu  in custas dies in Bartzellona sos responsàbiles  de su Governu catalanu, pro una  intensificatzione ulteriore de sos raportos intre S'Alighera e sa  Catalugna. A su sìndigu l'at retzidu, in Palau de la Generalitat (in sa fotografia), Germà Gordó, segretàriu de su Guvernu e collaboradore astrintu de Artur Mas, su presidente nou de sa Generalitat de Catalunya.

Su sìndigu  at cunfirmadu sa voluntade  de sighire cun  sos raportos  econòmicos intre sas duas realidades, raportos  chi devent rapresentare su resurtadu  de s'afortimentu  de sos ligàmenes culturales. S'Alighera, at agiuntu Tedde,  oe tenet prus autoridade in sas relatziones suas cun sa Catalugna, e custu at agiuadu s'abertura, in custa tzitade, de sa sede de rappresentàntzia de su Guvernu catalanu. 

Pro parte sua, su segretàriu de su Guvernu de Artur Mas at cunfirmadu  chi  cheret afortire sas relatziones istitutzionales, pro dare un'impulsu prus mannu   a s'atividade econòmica. E pro custa resone  at a èssere in vìsita  in S'Alighera  custu  mese de martzu chi benit.


#Sarvadore Serra

» in segus