bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Belle su 99 pro chentu in favore de s'indipendèntzia.

Sunt cumintzende a arribbare sos primos datos de su referendum in su Sudan de su Sud

Belle su 99% de sos sudanesos de su  sud ant votadu  in favore de s'indipendèntzia dae su nord, cunforme a sos primos  datos ufitziales.  Sos polìticos de su sud, però, ant pedidu a sos tzitadinos  de non festare galu  sa vitòria, pro non provocare  una reatzione violenta de su nord.

Sos nùmeros cunfirmant sas previsiones e mustrant una partetzipatzione manna in sas votatziones, chi las ant agabbadas  sa chida colada  e chi sunt frutu de un'acordu de paghe de su 2005 fatu a pustis  de duas dècadas de gherra tzivile  intre su  nord e su sud.

Sos resurtados  finales ufitziales si pessat chi los ant a dare    in su cumintzu de su mese de freàrgiu. 

S'ùnica zona in ue  sa majoria at votadu in favore de s'unidade de su paisu est istada su Sud Darfur, chi s'agatat intre su sud e su  nord. Cunforme a sos primos nùmeros, su  63,2% at votadu contra a s'indipendèntzia  e su  36,8% at votadu in favore.

Su partidu  chi guvernat  su nord de su Sudan, su Partidu de su Cungressu Natzionale, no at chertu rèndere pùblica peruna valutazione de sos primos resurtados  e si riservat de lu fàghere  cando sos datos ant a èssere ufitziales.


#Sarvadore Serra

» in segus