bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos stampa

ÀTERAS NATZIONES


Ocannu in su Sud Tirolu sas consultas soveranistas

Las organizat su Süd-Tiroler Freiheit

In  sa localidade alpina de Ahrntal, finas a su mese de santandria, ant a fàghere sas consultas subra de s'autodeterminatzione de su Sud Tirolu. Sas votatziones, chi sighint su matessi ischema de su protzessu de referenudum populares  chi bi sunt istados in Catalugna in su 2009, las at organizadas su partidu Libertade Sudtirolesa (Süd-Tiroler Freiheit, STF), chi tenet duos iscannos in su parlamentu de su Sud Tirolu.

Sa campagna cumintzat su 22 de custu mese, cun una sessione informativa e sa votatzione in St. Johann, unu de sos bidditzolos  chi faghent parte  de su munitzìpiu  de Ahrntal. In sa sessione informativa unu rapresentante de su CIEMEN at a faeddare de s'esperièntzia catalana. Sunt prevididas àteras chimbe sessiones durante s'annu, finas a su mese de santandria

Sa STF cheret chi su Sud Tirolu detzidat in manera lìbera su venidore suo in foras de s'Itàlia e chi, si in casu, si potzat torrare a unificare cun su restu de su Sud Tirolu, chi atualmente est in intro de sas fronteras austrìacas. Cunforme a unu sondàgiu de su 2007, su 54,6% de sos sudtirolesos diant chèrrere abbandonare s'Itàlia : su 33,4% lu diat fàghere comente Istadu indipendente e su  21,3% diat chèrrere sa riunificatzione cun s' Àustria.

Sa fortza  polìtica prus manna de su Sud Tirolu, però, est su Partidu Populare (Südtiroler Volkspartei, SVP), chi guvernat cun sa majoria assoluta. Su SVP cheret prus autoguvernu  pro su territòriu e sa tzitadinàntzia dupla austrìaca - italiana pro sos sudtirolesos, sena però arribbare a truncare cun sa  Repùblica Italiana.  Custu partidu, duncas, est contràriu a sas consultas.


#Sarvadore Serra

» in segus