Cun  cale  denominatzione sarda nos podimus riferire a s'e-book?  

In sardu nos podimus riferire cun sas denominatziones libru eletrònicu e  libru numèricu a su libru editadu in suportu numèricu cun cuntenutu de testu, immàgine o sonu chi rechedet mèdios informàticos pro èssere reproduidu, su chi in ingresu si  connoschet comente e-book.

Unu tèrmine relatzionadu cun custu cuntzetu est letore de libros eletrònicos o letore de libros numèricos, chi faghet riferimentu a su machinàriu cuntzepidu pro sa letura de libros numèricos, a su sòlitu de sas dimensiones de unu libru de bugiaca e cun optziones de navigatzione pro  cuntenutos. Custu  cuntzetu retzit su nùmene de e-reader, in inglesu.