Memòria istòrica de su sardu - 5

Sa Sotziedade pro sa Limba Sarda at operadu  in sos annos '80 de su Noighentos finas a cumintzos de sos annos '90,   cun  sa finalidade de promòvere, ampliare, difùndere e abalorare cun cale si siat mèdiu sa connoschèntzia e s'impreu de sa limba nostra.

Su chi sighit  est unu bulletinu, intituladu NOAS, in ue si dat contu de s'atividade fata dae nadale de su 1987 finas a totu su 1988.

Nùgoro,  02  de ghennàrgiu 2010

Sarvadore Serra

SOTZIEDADE PRO SA LIMBA SARDA   

NOAS - n. 1 MAJU 1988

 ·  CUNFERENTZIA DE ARISTANIS

Crèsia, limba sarda e limbas de àteras natzionalidades (Euskadi, Còrsica, Catalunja, Friuli, Galìtzia, Islovènia, Badde de Aosta, Otzitània)

Aristanis, 19 e 20 de nadale de su 1987

- Relatziones presentadas dae sos sardos Remundu Turtas, Antoni Virdis, Zuanne Dore, Alvieru Curreli, Enzo Cadoni, Antoni Satta, Diegu Corraine, Zuanne Usai, e dae Giorgio Banchig (Islovènia ital.), Jesùs Ferro (Galìtzia), Artuto Genre (Otztitània ital.), Elmo Domaine,  (Badde de Aosta), Aurel Argemi (Catalunja), Jacques Garobi Colonna (Còrsica), Paolo Agirrebaltzategi (Euskadi/Paisu bascu), Luigi Gloazzo (Friuli), Jean Rouquette (Otzitània frantzesa).

Non sun pòdidos benner s'albanesu de Itàlia Emanuele Giordano  e su sardu Gavini Pau chi an a publicare sas relatziones issoro in sos Atos de sa Cunferèntzia.

Interventos de su presidente de sa Zunta rezionale Mario Melis; de Pipinu Chessa, assessore de sa P.I. de sa provìntza de Aristanis; de Efis Serrenti, assessore de sa P.I. de sa provìntzia de Aristanis; Italo Ortu; Mario Puddu; Austinu Cannas, Antoni Lepori; Zuanne Atzori.

Durantes sos traballos est istadu propostu e aprovadu dae sa SLS su disinnu de formare una "Cumissione pro sa tradutzione in sardu de sos testos sacros".

A sa fine de sas duas dies de cunferèntzia, sos partitzipantes e su pùblicu presente at discùtidu e aprovadu su Documentu finale chi publicamus in custu nùmeru de NOAS.

Totu sos documentos presentados e elaborados in ambas dies an a esser publicados in unu libru de sos Atos.

·   ASSEMBLEA ORDINARIA

Bilartzi, 17 de ghennarzu de su 1988

- A sa sala de sa Turre aragonesa b'at bènnidu sòtzios de sa SLS dae medas logos de Sardinna pro ascurtare e discuter sas relatziones de su presidente  e de su secretariu de sa SLS chi an presentadu satividade fata e sos programas pro su 1988

·  PRESENTADA DE S'URTIMA OPERA MUSICALE DE P.MARRAS

Bitzi, 31 de ghennarzu de su 1988

- A  s'ùrtima regorta de cantones de Piero Marras, "Funtanafrisca", cun  testos de Paulu Pillonca, est istadu dedicadu unu sero de relatziones  (Bachiseddu Bandinu, Diegu Corraine, Zuanne Frantziscu Pintore) e discussiones. A s'addoviu culturale organizadu dae sa setzione locale de sa SLS b'at bènnidu zente meda de sa bidda e de foras.

·   SA LIMBA SARDA

dae su tempus passadu a su presente

S. Lussurzu, 23 de ghennarzu de su 1988.

- Cunferèntzia destinada a sos istudentes de su Lizeu linguisticu, cun relatziones de Màssimu Pittau, Diegu Corraine e Zuanne Usai.

·   PROBLEMAS E PROSPETIVA DE SA LIMBA SARDA

Barùmini, 12 de martu de su 1988.

- Cunferèntzia organizada dae su nucleu promotore locale de sa SLS, cun relatziones de Zuanne Usai e de Diegu Corraine.

·   LIMBA, LITERATURA E SOTZIEDADE

S. Lussurzu, 27 de martu de su 1988

- Addoviu culturale cun relatziones de Antoni Cossu, iscritore; Innassiu Delogu, professore in s'Universidade de Bari; Alberto Merler, professore in s'Universidade de Tàtari.

Sos presentes ant botadu unu documentu de imbiare a su presidente de su guvernu sardu Mario Melis e a s'assessore de sa Rezione pro sa P.I., invitèndelos a proponner chi sa leze finantziària rezionale previdat un'azudu in favore de sas initziativas pro sa limba sarda, de cussas de sa SLS in particulare.

Totu sos presentes ant peri botadu e firmadu una lìtera de solidaridade imbiada a Samo Pahor, islovenu de Trieste, ex-segretariu de sa LELINAMI, arrestadu pro unas cantas dies, acusadu de resistèntzia e interrutzione de servìtziu pùblicu, pro aer pretesu in sas postas de Trieste s'impreu de sa limba islovena.

·   PROBLEMAS E PROSPETIVAS DE SA LIMBA SARDA

Uri, 16 de aprile de su 1988

- Cunferèntzia organizada dae sos istudentes de su cursu pro traballadores, cun s'interessamentu de sa prof. Clara Farina. Relatziones de M. Pittau, D. Corraine, M. Antonietta Fara.

·   PRESENTADA de s'opera musicale de P. Marras.

S Lussurzu, 29 de aprile de su 1988

- Diegu Corraine e Màssimu Pittau an presentadu a sos istudentes de su Litzeu linguisticu s'opera musicale "Funtanafrisca", resurtadu de sa collaboratzione poetica de Paulu Pillonca e musicale de Piero Marras. Presentes sos autores, chi an contadu a longu a sos istudentes entusiastas comente est naschida "Funtanafrisca"

·   LEZE PRO SAS LIMBAS MINORITARIAS

Regorta de cartulinas.

- Prus de duamiza sardos in pagas chidas an firmadu sas cartulinas de imbiare a su Presidente de sa Repùblica Italiana Frantziscu Cossiga pro li manifestare sa protesta de sos sardos contra a sa mancàntzia de lezes in favore de sas limbas minoritàrias, a pustis de 40 annos chi sa costitutzione de sa R.I. aiat promìntidu de tutelare custas limbas. S'initziativa, promòvida in totu s'istadu italianu a duncas in su territoriu de sas 12 minorias linguisticas, dae sa Liga pro sas Limbas de sas Natzionalidades Minoritàrias, in Sardinna est istada proposta dae sa SLS, chi in custa manera at dimostradu chi sas minorias si depen azuare a pare si bolen a beru otenner sos deretos issoro culturales e linguisticos. Luego bi diat deper aer un'addoviu cun su presidente Cossiga pro li cunsinnare in pessone sas cartulinas collidas in totu s'istadu italianu, cun s'isperu chi custa atzione resessat a incurtziare su caminu pro s'otenimentu de una leze de tutela linguìstica.