Sa cunferèntzia est coorganizada e ospitada dae su Tzentru de Istùdios Mercator  e l'ant a fàghere paris cun s'assemblea generale annuale de s'EBLUL.

Sa Cumpartetzipatzione pro sa Diversidade est direta a sos amministradores  de sos paisos e regiones de s'Unione Europea in ue b'at polìticas multilìngues, e at a pretzèdere sa riunione finale  de Liet-Lavlut su 31 de santugaine  (semper in Ljouwert/ Leeuwarden).

Sa Cumpartetzipatzione punnat a pònnere paris espertos e autoridades regionales e locales, a manera de cumbinare sa connoschèntzia acadèmica cun s'esperièntzia pràtica.

Sos organizadores ponent in craru s'importàntzia de  " tènnere una base teòrica manna, chi siat una ghia adeguada pro sas atziones pràticas. Tando, sa finalidade de sa cunferèntzia est a elaborare unu programa de atividades, pro mantènnere e isvilupare sas limbas minoritàrias de s'Europa. Pro custa resone sunt bene bènnidos in particulare sos rapresentantes de sos entes regionale e locales, chi tenent sa responsabilidade de promòvere  sa diversidade linguìstica in sos giassos issoro."

 

Ligàmenes:

www.mercator-research.eu/conferences/2009-october-28-30.

www.mercator-education.org/conferences/2009-october-28-30/partnership-for-diversity-conference-programme

www.liet-lavlut.eu/home.php?l=7

www.eblul.org