A Maria Marceddu, de Sabarussa (OR), ma chi dae annos istat in Farla di Majano (UD), l'ant elèghida a s'unanimidade presidente regionale de sos chimbe Tzìrculos de sos Sardos presentes in Friuli. S'eletzione est istada durante s'assemblea regionale fata in Trieste su mese de nadale passadu. Est sa prima fèmina presidente, a pustis de don Francesco Alba de Udine, Salvatore Satta de Pordenone e Carlo Sanna de Tolmezzo.
Maria Marceddu est maistra in pensione, a pustis de una bida colada in sas iscolas elementares, a ue nch'at giutu s'amore suo pro sa cultura sua e su balore de s'identidade. Est istada semper presente finas in sa bida de sos Tzìrculos Sardos, istimada dae sos sòtzios, in antis in Òstia, in ue est istada sòtziu fundadore, a pustis in Roma e in Trieste, finas a arribbare a Ùdine, in ue fiat vitzepresidente.
[Christian Romanini]