Custu mangianu su sìndigu Gianfranco Ganau e su Diretore de Esertzìtziu de sas Ferruvias de sa Sardigna Giuseppe Roggero ant iscobertu in manera simbòlica unu de sos 12 palos chi sas FdS ant installadu in su percursu de sa metropolitana de superfìtzie Sirio. Sos paligheddos giughent su sìmbolu M e in sa base unu prisma a 3 faches cun sos inditos de sas firmadas e de sos oràrios. Cunforma a sas projetziones de sas ferruvias sos biagiadores, chi como sunt 1480 sa die, diant dèvere cròmpere a 450.000 s'annu. Intro de sa prima metade de su 2008 s'at a cungiare sa prima fase de su progetu de su de duos lotos chi previdet su passàgiu de su trenu in Baldinca e in Sas Puntas. Sos billetes si podent agatare in totu sas rivènditas ATP. Su servìtziu de sa metropolitana at a èssere ativu finas duas domìnigas, su 16 e su 23 de nadale. [gmr]