[27-11-2006]

Unu vertice islàmicu riunidu in Egitu at pedidu a sos mussulmanos de totu su mundu de l'agabbare cun sa pràtica de sas mutilatziones genitales de sas pitzinnas.
A sa fine de sa cunferèntzia, organizada dae sos assòtzios pro sa defensa de sos deretos umanos, sos espertos islàmicos ant decraradu chi sa mutilatzione genitale comente pràtica religiosa devet èssere cunsiderada unu crìmine dae sa lege de totu sas natziones e chi sos chi la pràticant devent èssere cundennados.

Su Sceicu de al-Azar, sautoridade prus manna de su mundu musulmanu sunnita, at afirmadu chi no esistit peruna giustificatzione religiosa pro custa pràtica.

Sa traditzione de sa circuntzisione de sas pitzinnas est cumintzada in tempos preislàmicos, ma una parte de su cleru islàmicu sustenet chi est una pràtica religiosa importante.

SOrganizatzione Mundiale de sa Sanidade at carculadu chi prus de 100 milliones de fèminas in su mundu sunt istadas custrintas a sa mutilatzione genitale.

Dae BBC Mundo http://news.bbc.co.uk/hi/spanish/international/newsid_6179000/6179156.stm