[29-09-2006]

Ana Urkijo est sa prima fèmina presidente de s'iscuadra de fùbalu de s'Athletic Bilbao, a pustis de sas dimissiones de Fernando Lamikiz. Custa abogada bilbaina est fìgia de Rufino Urkijo, vitzepresidente intre su sos annos '70 e '80, e est istada puru sa prima fèmina a fàghere parte de su diretivu de sa sotziedade basca in su 1990, deghe annos a pustis de su càmbiu de sa norma chi proibiat a sas fèminas de èssere sòtzias e lis permitiat de èssere abbonadas ebbia. Tenet sa tèssera de s'Athletic dae su 1969, cando at cumintzadu a andare a s'istàdiu San Mamés cun su babbu. Sa neopresidente tenet unu còmpitu difìtzile ca sa  situatzione de sos biancos-rujos est grave: in sos ùrtimos duos campionados  sos Leones, gasi lis narant, sunt semper in una positzione de classìfica bassa, s'iscuadra giogat male e b'at apidu bator allenadores diferentes. [gmr]

[>deia]