Màébà est una regorta de poesias e de contos chi cuntenent elementos e temas fundamentales pro sa formatzione de un'identidade individuale e culturale.
Impreende s'istrumentu poèticu, s'autore cheret dare unu cussìgiu a sos babbos, chi non devent renuntziare a unu còmpitu gasi importante.
Pro custu, Mdjock Ngana inditat unos cantos argumentos essentziales pro su traballu de educatore, chi non pertocat petzi sos babbos, ma finas insinnantes e educadores chi sighint o acumpàngiant sa missione educatora de su babu e de sa mama.
Leghende sos cumponimentos de su poeta africanu, cumprendimus chi in una sotziedade fata bene una funtzione gasi importante, s'educatzione, non podet abarrare in manos a unu grupu de indivìduos, ma devet esser zestidu dae totus, in onzi logu e mamentu de sa bida.

Ndjock Ngana, poeta e iscritore camerunese de etnia Basaa, benit in Itàlia in su 1973, pro timòria de sas violentzias intre su Paisu suo. Inoghe sighit in s'impinnu sotziale, mescamente in su mundu de s'emigratzione.
Consulente pro sa multietnitzidade de sa Comuna de Roma e vitzepresidente de sa consulta pro s'immigratzione de su de VI munitzìpiu de Roma, traballat meda pro sa difusione de sas àteras culturas organizende manifestatziones (es."festa de sos pòpulos") e collaborende cun unos cantos aasòtzios  "Unicef", "Caritas" e "Arci". In su 1984 at fundadu, cun àteros africanos,"Africa Insieme" e in su 1989 "Associazione Baobab", pro ispàrghere e promòvere sas culturas extraeuropeas, cun intelletuales africanos e latinoamericanos.
Sas òperas suas sunt caraterizadas dae un'impinnu forte a beru: impinnu polìticu, soziale e culturale, pro mantènnere sos balores fundamentales de sas culturas africanas e pro un'abertura de sos matessi in s'isvilupu de su pensamentu umanu.



[schere]