Su Tzentru interdipartimentale de Chirca subra de sa cultura e sa limba de Friuli (Cirf) de s'Universidade de Ùdine organizat pro sa prima bia unu cursu pro addetos a sa comunicatzione in limba minoritària intituladu Comunicare in lingua friulana. Su cursu est indiritzadu a totu su personale tècnicu amministrativu, a sos dotzentes e a totu sas figuras professionales de s'Ateneu, a sos dipendentes de Entes e Amministratziones pùblicas e a distintu a sos giornalistas e a sos addetos a sa comunicatzione. Su cursu, de sa durada cumplessiva de 18 oras, est totu de badas pro more de sos finantziamentos de sa lege 482/1999 pro sa tutela de sas limbas minoritàrias. L'ant a fàghere dae su 19 de santandria a su 5 de nadale, cun letziones bisetimanales de sa durada de 3 oras cadauna. Sas letziones, fatas dae espertos, ant a tratare temàticas relativas a sa comunicatzione in sas limbas minoritàrias, a su funtzionamentu de sos sistemas radiutelevisivos, a sa produtzione tzinematogràfica in limba friulana e at a èssere dedicadu un'ispàtziu ampru a s'atividade de laboratòriu, in ue sos cursistas ant a tènnere sa possibilidade de isvilupare sas connoschèntzias issoro in s'àmbitu de sa comunicatzione in limba friulana. [gmr]

[>lenghe.it]