Un'incherta noa  at dadu una sorpresa agradèssida e un'alenada de otimismu a su soveranismu corsicanu, chi in s'ùrtima legisladura aiat bidu un'àtera rotura intre autonomistas e indipendentistas, e pro su cale sos ùrtimos sondàgios non previdiant  unu resurtadu bonu in sas eletziones benientes pro s'Assemblea.

Cunforme a s'incherta, fata dae  Le Figaro, LCI, RTL e Corse Matin, sa lista Femu a Corsica, in ue b'at  sas formatziones natzionalistas moderadas Partitu di a Nazione Corsa (Jean-Christophe Angelini) e Inseme per a Corsica (Gilles Simeoni), diat otènnere unu 17% in sa prima votatzione.

In segundu logu, sos indipendentistas de Corsica Libera, ghiados dae Jean-Guy Talamoni, megiorant gai etotu sos ùrtimos datos  e si ponent a su 6% de s'intentzione de votu, a distàntzia de unu puntu pertzentuale ebbia  dae su 7%, netzessàriu pro colare a sa segunda votatzione.

Sas eletziones sunt su 14 de martzu.