Expert Seminar on the

 "Added Value of Multilingualism and Multilingual Education"

3 - 4 de làmpadas 2010, Leeuwarden/Ljouwert, Fryslân, Olanda

Custu seminàriu l'ant organizadu  su Tzentru de Istùdios Mercator e su  Guvernu Bascu.  Su progetu "Balore agiuntu de su multilinguismu  e de s'istrutzione multilìngue" at a èssere s'argumentu tzentrale de su seminàriu. Custu progetu pluriennale lu mandat a dae in antis  su Tzentru de Istùdios Mercator in collaboratzione cun s'Universidade  de su Paisu Bascu. Est un'istùdiu comparativu de sa Comunidade Autònoma Basca e de sa provìntzia de Fryslân. Punnat a:

1)     analizare su bilinguismu e su multilinguismu  comente una sienda  pro s'individu e pro sa sotziedade

2)     analizare su bilinguismu e su mutilinguismu  comente una sienda in iscola

Sos relatores sunt

• Maria-Louisa Garciá Gurrutxaga (Ministru de s'Istrutzione, Guvernu Bascu)
• Jasone Cenoz (Universidade de su Paisu Bascu)
• Durk Gorter (Universidade de su Paisu Bascu- IKERBASQUE)
• François Grin (Universidade de Ginevra)
• Ulrike Jessner (Universidade  de Innsbruck)

Si podet imbiare un'estratu (màssimu 300 paràulas) pro unu cuntributu  a su seminàriu supra de custos argumentos:

• istrutzione bi- multilìngue, in particulare supra de sos vantàgios  e oportunidades  de s'aprendimentu digitale
• benefìtzios sotziales  e costos de su multilinguismu
• multicumpetèntzia e multilinguismu
• cussèntzia metalinguìstica 
• metodologia  e proas de controllu in cuntestos multilìngues

A s'estratu cherent agiuntos custoos datos: Nùmene, sambenadu e tìtulu; Afiliatzione acadèmica o professionale; Indiritzu de posta eletrònica; Tìtulu de sa presentada.

Sos interventos de su seminàriu sunt  in inglesu o ispagnolu (b'est sa tradutzione simultànea in inglesu e in ispagnolu ).

Sos estratos cherent imbiados a  mhanenburg@fryske-akademy.nl    intro de   lunis primu de martzu de su  2010.

Sa notìfica de s'atzetatzione  at a arribare  intro de giòvia primu de abrile

 Sa tassa de partetzipatzione est de  150 euros (custu includet su màndigu , duas chenas de traballu  e un'atividade sotziale). Bos podides registrare intro de su sèighi de maju.  A dolu mannu non podimus rembursare  sos costos de su viàgiu  e de s'allògiu.  Pro nd'ischire de prus  supra de comente s'arribat a Ljouwert/Leeuwarden e supra de sos albergos podides bìdere su situ  www.mercator-research.eu.