Editore: Laterza
Data de Publicatzione: 2005
Collana: Scienze della mente
ISBN:  8842075949
Pàzinas: VII-144
Preju: 15,00 èuros

 Dae sas primas formas de comunicatzione prelinguìstica de sa criadura a sa produtzione de enuntziados cumplessos, custu libru faghet un'anàlisi cumpleta de s'isvilupu de sa cumpetèntzia linguìstica e mescamente de sas fases de acuisitzione de sa limba italiana, cunforme a sos modellos teòricos de riferimentu de importu prus mannu.

Laura D'Odorico ispricat comente sunt elaborados sos sonos linguìsticos, comente sa criadura imparat a los riproduire e a los impreare pro fraigare su vocabulàriu suo, comente arribat a cumbinare sas paràulas pro fagher frases gramaticalmente zustas, comente sos mannos influèntziant s'acuisitzione de su limbazu de sos pitzinnos, e finas comente, in s'aprendimentu linguìsticu, sos pitzinnos sunt influentzados dae s'ambiente in ue intendent e imparant modellos comunicativos chi a pustis rielàborant pro formulare su limbazu issoro.

Sas relatziones chi b'ant intre sas cumponentes de su limbazu sunt ispricadas cunforme a sos modellos teòricos de importu prus mannu chi dant ispiegatzionae craras de s'isvilupu de sa cumpetèntzia linguìstica.

Unu libru interessante pro chie s'òcupat de insinnamentu/aprendimentu linguìsticu.

 Laura D'Odorico est professora de Tècnicas de osservatzione de su cumportamentu infantile in sa Facultade de Psicolozia de s'Universidade de Pàdua. S'òcupat dae annos meda de s'istùdiu de sas relatziones sotziales de s'infàntzia e de s'isvilupu comunicativu e linguìsticu.

/sbs/