[01-07-2006]

"Sos deretos de sos pitzinneddos e de cussos prus mannos chi sunt de orìgine istràngia e chi istant in Itàlia devent èssere garantidos". Sunt pròpiu s'Unicef e sa Caritas italianas chi ant pedidu a sas autoritades natzionales e locales de si cunfrontare subra de custu argumentu. In su cunvegnu "Essire dae s'invisibilidade" chi est istadu fatu in Roma, ambas  organizatziones internatzionales ant sutalineadu s'importu de sa netzessitade de superare sa discriminatzione chi devent aguantare sos minores in sa bida de ogni die. Segundu su Presidente de s'Unicef italiana, Antoni Sclavi, e cussu de sa Càritas, Vittorio Nozza, custu cunvegnu devet servire a abèrrere sa de duas fases de s'impignu de custas organizatziones pro agiudare s'infàntzia istràngia in Itàlia, una fase chi cheret s'agiudu de sas istitutziones. In antis tocat a fàghere un'istùdiu de totu sos giòvanos e de comente custos sunt rispetados in sa bida issoro cuotidiana. Petzi gasi est possìbile a praticare polìticas chi non càusant issas matessi tzertas formas de discriminatzione e chi agiudant custa gente a nche essire dae custa cunditzione. [len]

[>www.agi.it]