[11-07-2006]

Su Guvernu at abertu unu cunfrontu cun sa Federfarma subra de sas misuras previstas dae su DL Bersani in tema de meighinas e de apoticarias.  E custu est su resurtadu- si leghet in una nota de sa Federfarma- de s'addòviu intre una delegatzione de sa Federfarma e su Presidente de su Cussìgiu Prodi, su sutasegretariu Letta, su ministru de sa salude Livia Turco e sos tècnicos interessados. Su cunfrontu est istadu abertu cun s'idea de minimare sos costos pro sos tzitadinos e de aumentare sa cuncurrèntzia, finas si pro comente fàghere sunt istadas propostas ideas diferentes. Su diàlogu at a sighire in s'ìnteri de su protzedimentu parlamentare de cunversione de su provedimentu in una lege, bidende si bi podet àere ideas comunas. S'àteru passu at a èssere un'addòviu de sa Federfarma cun su ministru de sa salude e cun su ministru de s'isvilupu econòmicu. In s' ìnteri, sa Federfarma at a cumintzare unu diàlogu finas cun totu sas fortzas parlamentares presentende·lis s'opinione e sas propostas suas. Arreende su resurtadu de custos cunfrontos, abarrat cunfirmada sa die de sa cungiadura de totu sas apoticarias italianas chi non siant de turnu, chi at a èssere su 19 de trìulas comente sinnu de protesta contra a su decretu.[len]

[>www.agi.it]