Tibet: Amnesty cundennat sa repressione de su guvernu tzinesu Pedida un'indàgine de s'Onu
Amnesty International e Human Right Watch cundennant sa repressione de sas fortzas de seguràntzia tzinesas contra a sos manifestantes de Lhasa in su Tibet e pedint a sas autoridades de Pechino moderatzione in sa reatzione a sas manifestatziones e de permìtere un'indàgine indipendente de s'Onu subra sos fatos. Peri su Dalai Lama at pedidu s'incumintzu de un'indàgine internazionale. In assèntzia de connoschèntzias indipendentes, sos bilàntzios de sos disòrdines sighint a abarrare firmos a sos 10 mortos "ufitzialesi" dados dae su guvernu tzinesu, ma su guvernu in esìliu at allegadu de 80 mortos amitende però de tènnere a disponimentu "tzifras difìtziles de averguare". Su guvernu tzinesu at lantzadu unu ultimatum a sos manifestantes narende chi intro de lunis sa protesta devet finire "si non bolent cunseguèntzias galu prus gravesi" - narat Asianews.
