[29-01-07]

Sas cosas sunt andende peus de su chi si pessaiat. Pustis de su raportu de sa Cumissione europea e finas de sa relatzione de su cussigeri econòmicu de su primu ministru britànnicu Tony Blair unu documentu nou, importante meda, narat chi su praneta nostru est semper prus caente. Oramai sas dudas sunt pagas subra s'efetu chi sos gas pròvocant a su clima. In su raportu chi ant in pessu cumpiladu, sos espertos de su Comitadu interguvernativu de sas Natziones Unidas subra sos cambiamentos climàticos (Ipcc) narant cun craresa chi su diòssidu de carbòniu est sa càusa prima de sa crèschida de sas temperaduras. Su documentu at a èssere presentadu chenàbura in Parigi, in s'agabu de s'addòviu mundiale subra su clima. Su giornale britànnicu The Indipendent, chi at dadu sas primas indiscretziones subra su documentu, narat chi sos resurtados de s'istùdiu de s'Onu sunt prus malos de su chi si podiat pessare. [zls] 

[>www.corriere.it]