Cuncruidu su 31 de ghennàrgiu su Forum Sotziale Mundiale in Belèm, Brasile. Sa novidade de ocannu est istada sa presèntzia de su deretu a s'autoderminatzione de sos pòpulos comente deretu fundamentale.

Sa Coordinadora Andina de sas Organizatzione Indìgenas. alliada cun s'Ispàtziu pro sos Deretos Colletivos de sos Pòpulos e Natziones sena Istadu, at propostu de tzelebrare un'annu de riflessione e de atzione globales a propòsitu de sa polìtica indìgena.

Chistiones comente sa decolonizatzione de su podere, sos deretos colletivos e s'autodeterminatzione, sa crisi de de s'isvilupu capitalista e sa defensa de sa terra ant afortidu s'alliàntzia intre organizatziones indìgenas de s'Abya Yala e s'Ispàtziu pro sos Deretos Colletivos de sos Pòpulos. Moende dae custa base, ambas organizatziones cherent cumintzare unu caminu paris pro torrare a pessare sos disinnos e sas atziones alternativos a sa globalizatzione.

Pròpiu pessende a sa tzelebratzione de unu Forum Sotziale temàticu subra de custas chistiones in su primu trimestre de su 2010, est istadu istabilidu unu calendàriu de addòvios pro ammaniare custu Forum: dae su 27 a su 31 de maju, in s'Addòviu Continentale de sos Pòpulos Indìgenos in Puno, Perù; dae s'8 a su 19 de trìulas in sìaddòviu alternativu a sa riunione de su G8 in Sardigna; su 12 de santugaine comente data de mobilitatzione globale in Defensa de sa Terra, contra a sa Mercantilizatzione de sa Vida e pro s'Autodeterminatzione de sos Pòpulos; in su mese de nadale in Copenhagen in s'addòviu pro sa Giustìtzia climàtica.

In cantu a su Forum temàticu de su 2010, sos organizadores sunt pessende de lu tzelebrare in Bolìvia o in Perù, su primu trimestre de su 2010.

A s'agabbu de su Forum, est istadu proclamadu su MANIFESTU DE SOS DERETOS COLLETIVOS DE SOS PÒPULOS, chi podides lèghere in custu matessi situ.

[dae http://autodeterminaciofsm2009.wordpress.com]