Chenàbura 2 de santandria Radiouno de sa Rai trasmitet in direta su cuntzertu de sos Tazenda. Su programma at a cumintzare a sas 21,00 e b'at a àere finas sa possibilidade de bìdere s'ispetàculu, difùndidu tràmite webcam, colleghende·si a su situ de sa ràdiu. Su grupu thatharesu, chi dae sa nàschida in su 1988 at bèndidu prus de mesu millione de discos e chi at collaboradu intre sos àteros cun Pierangelo Bertoli, Fabrizio De Andrè e Mauro Pagani, est torradu in classìfica ocannu cun s'ùrtimu discu Vida. Gino Marielli, Gigi Camedda e Beppe Dettori s'ant a esibire in sa Sala A in carrera de Asiago. Presentat Gerardo Panno. [gmr]